DAKBAYAN SA DAVAO — Kinse ka mga mall ang napili sa Commission on Elections (Comelec) kung diin ipahigayon ang Barangay ug Sangguniang Kabataan Elections (BSKE).
Sumala sa Comelec ang kinsi ka mall nahimutang sa Metro Manila, Region IV-A, Region V ug Region VII.
Ang department sa Education and Information sa Comelec ang mohatag sa detalye kabahin sa “Mall Voting” sa higayon nga maplastar na ang tanang rekisitos.
Igrupo-grupo kon i-cluster ang mga botante sa mga mapiling barangay kung kinsi niini ang tugutan nga didto sa mga mall magbotar.
Kahinumduman nga niadtong Enero, nagbutyag ang Comelec nga ang unang “Mall Voting” himoun sa lima ka mall sa Metro Manila nga langkuban sa SM Manila, Robinsons Manila, Robinsons Magnolia ug duha pa ka wala nganli.
