Lalaking nakigbulag sa uyab gipasakahan ug kasong pagpanglugos

DAKBAYAN SA DABAW, MINDANAO— Padayon nga gibalhug sa Maa City Jail ang usa ka 22 anyos nga lalaki human kini gi-akusahan nga nanglugos iyang kanhi  kaipon.

Si Brandon (dili tinoud nga pangalan) taga Davao Oriental nag-atubang ug kasong pagpanglugos human giakusahan sa iyang kanhi kapuyo.

Atol sa gitakbang husay   “mediation” didto sa korte niadtong miaging adlaw, nakahinabi sa Newsline.ph  si Brandon ug iyang asawa, nga nagdala sa ilang walo ka bulan nga anak.

Matud pa ni Brandon, mipasaka ug kaso niya  si Gemari  (dili tinoud nga pangalan)  tungod kay nasuko nga iyang gibuwagan. ”

Misaysay si Brandon, milayaas siya sa ilang gipuy-an ni Gemri  tungod kay iskandalusa “Wala na man ko naka agwanta kay maskin daghan tao, iya kung kasab-an, selosa kaayo, mag sige ug text ug naa ko sa trabahuan, ulaw na kaayo, sauna ako lang gi-antos kay gugmahay man, pero nagkadugay iskandalusa na kaayo, mao nga milayas ko, ni uli ko sa amoa nagpalamig ko ug lima ka bulan.”

Samtang didto siya sa iyang ginikanan, iyang naila-ila ang usa ka babaye ug iya kining giipon. Gilayon mibalik siya sa Dabaw dala ang iyang bag-ong uyab.

Apan, usa ka adlaw, miadto si gemari sa iyang gitarbahuan ug mihangyo nga makigbalik, apan wa na mosugot si Brandon,

Wala makontento si Gemari ug misulong pa kini sa iyang giarkilahang balay ug nag-iskandalo “Iyang gitulisok  akong kaipon ug nag singgit singgit didto, amo man lang syang gipasagdan kay di mi gusto ug samok,” saysay ni Brandon.

Apan, usa ka adlaw niadtong 2017, gidampot nalang daw kno si Brandon sa pulis sa iyang gitrabahuan kay nagpasaka ug kasong pagpanglugos si Gemari.

“Naglibog lang ko nganong nipasaka siya ug rape  nga siya man ang miipon sa akong boarding house,” Matud pa ni Brandon.

Atol sa ikaduhang husay wala na mopakita si Gemari, apan padayon karon nga gibalhog sa Maa City Jail si Brandon.

Matud pa sa Huwes, ug dili madala ug husay ang duha, posible magpadayon ang kaso kang Bradon tungod. Apan, kun di na sab magpakita sa korte si Gemari, posible nga ibasura ang kaso batuk kang Brandon.-ezc/Newsline.ph