SYUDAD SA OZAMIZ — Daghan ang nakurat sa dihang nagpositibo ang duha ka locally stranded individuals (LSI) nga gikan sa Cebu human sa ilang 14-day mandatory quarantine.
Pag-abot sa LSIs sa pantalan sa Ozamiz niadtong milabayng semana, gi-rapid test kini og negatibo ang resulta, apan, pagkahuman sa ‘quarantine’ gipa ilawom sila sa sa swab test og migawas nga nagpositibo kini.
Sa programang Panaghisgot Para sa Kalamboan, gipasabot ni Congressman Diego Ty nga wala nila gi-release ang duha ka LSIs hangtud nga wala ma swab test bisan kon negative sila sa Rapid Test.
Matud ni Ty nga nahuman na ang duha sa ilang 14-day quarantine sa dihang mahinabi ni Konsehal Judel Ty ang duha og didto nahibaw-an ang ilang kahimtang nga usa ra sila ka boarding house didto sa Cebu.
“Kon wala pa sila ikasulti ni Konsehal Judel Ty, di to mahibaw-an nga boardmate diay sa isa ang laing positive patient sa Cebu mao to nga wala gi release and gipa swab test sa LGU para masiguro”.
Nagpositibo ang duha sa swab test “Busa gi contact trace dayon ang worker nga naka uban nila sa van nga gisakyan ug ang driver niini.” Ang tanan nga contact nila among gipangita aron i-quarantine ug ipa-swab pod to sila” dugang pani Ty.
Paspas ang lihok sa LGU Plaridel aron mahibaw an gilayon kon kinsa ang nakaduol sa duha.
Atol sa interview kinahanglan nga isulti sa mga LSIs o ROFs ang mga detalye sa ilang gihawaan nga lugar ug ilang mga nakauban, tungdo daku kini ug ikatabang sa contact tracing.-Expedita Roxas
