DAKBAYAN SA ZAMBONGA, Mindanao —- Usa ka maestra ang gikidanap sa mga suspetsadong bandido didto sa Patikul, Sulu, apan, gilayon kining gibuhian tungod sa paningkamut sa pamilya.
Nahitabo ang pagdagit sa usa ka magtutudlo sa Liang Elementary School niadtong Marso 23, 2018, apan taho kabahin sa pagbuhi kaniya, bag-ohay pa lang gipahibalo.
Ang biktima nailhang si Marjorie Abdul, 54 anyos, Teacher In-charge sa Liang Elementary School ,gi report nga pwersang gikuha sa lima ka gituohang membro sa Ajang-Ajang Group mga alas 9:30 niadtong Marso 22, didto sa barangay Liang, Patikul Sulu.
Gimando gilayon sa Joint Task Force Sulu Commander BGen Cirilito Sobejana ang paglusad ug rescue operation aron mabawi ang biktima.
Apan, sa paningkamot sa pamilya, nga maoy nangunay sa negosasyon, gibuhian si Abdul, gabii niadtong Marso 22, didto sa San Puti, Patikul.-Belle Perez/Newsline.ph
