SI MANILA Mayor Francisco “Isko” Moreno Domagoso miingon karong Huwebes, Mayo 14, nga ubos sa Modified Enhanced Community Quarantine (MECQ) mahimo gihapon siyang maka-implementar og “hard lockdown” sa mga piling lugar sa iyang dakbayan.
Matud pa ni Mayor Isko nga ubos sa MECQ ang mga lokal nga kagamhanan (LGU) hatagan og otoridad sa pag-ila sa mga “high risk” nga lugar ug mahimong mopatuman og hard lockdown sa maong mga dapit.
“It is a high possibility, especially if kung sino ang hindi magtino,” ang mayor nagpasabot.
Ingon ni Domagoso nga posibleng mopahamtang siya og hard lockdown sa mga barangay o purok nga adunay daghang badlongon ug mga supakero sa kwarentina.
“Kung masama ang resulta nun, medyo positive then magkakaroon sila nang kaluwagan. Pero kung masama, negative, hindi pa rin nagbago ng gawain, galawin, yes, we will not hesitate especially under MECQ wherein the local government unit is now given full authority and discretion to identify specific barangay, zone, community or district. That’s possible,” sulti niya.
Miingon si Mayor Isko nga ubos sa MECQ duha ka ordinansa ang siguradohong tumanon sa mga lumolupyo aron dili sila dakpon: ang social o physical distancing ug ang pagsul-ob sa face mask kung naa sa mga pampublikong mga lugar.
Sa laing bahin, gibuksan sa Manila City ang ilang ikaduhang quarantine facility sulod sa Araullo High School.
Ang maong pasilidad, nga gipatukod ug gi-donar sa usa ka pribadong organisasyon, lakip sa mga planong buhaton sa dakbayan human nga malibkas na ang Enhanced Community Quarantine (ECQ). (LBG)
