DAKBAYAN SA DABAW-—Gimandoan ni President Ferdinand R. Marcos Jr. ang tanang ahensya sa gobierno nga repasuhon ang tanang benepisyo alang mga sundalong nasamdan atol samtang nangatungdanan.
Sa iyang pakigpulong atol sa paghandum sa 82nd Araw ng Kagitingan (Araw ng Kagitingan), gipasidunggan sa Presidente ang mga sakripisyo nga gihatag sa mga tropa alang sa nasud apan naguol nga posibleng wala sila nahatagan sa insaktong suporta.
Isip pagpasidungog sa kaisog ug sakrispiyo, gimanduan sa Presidente ang departamento sa depensa, badget ug pinansyal nga institustyon nga tun-an ang kasamtangang benepisyo nga ginahatag sa mga permanenti nang nabalda nga sundalo tungod sa ilang pagpangatungdanan ug sakrispiyo ug kini iyang tan-awon kon sakto ba sa ilang panginahanglanon ug mosumitir sa ilang rekomendasyon.
Sumala ni Marcos,ang paghinumdum sa Araw ng Kagitingan mao ang paghatag og balor sa mga sundalong Pilipino nga nakiggiera alang sa nasud.
Gipasidunggan usab sa Presidente ang 40 ka mga beteranong mitambong sa ikasyon, gitawag sila sa Presidente isip pinaka importanteng bisit “Most Important Guest” sa gipanglingkod sa etntablado..
Sa iyang pagbisita sa Veterans Memorial Medical Center sa Quezon City kagahapon, gipaniguro usab sa Presidente nga hatagan sila og maayong pagtagad labi na ang ilang panginahanglanon sa tambal ubos sa iyang administrasyon.
Mihatag si Marcos og P150-milyon ang makapalit ang hospital og magnetic resonance imaging (MRI).
