DAKBAYAN SA DAVAO — Ang tanang miembro sa Armed Forces of the Philippines (AFP) gikinahanglang magbansay sa paggamit og traditional nga Filipino martial arts—Arnis.
Sumala ni AFP Chief of Staff General Romeo Brawner, Jr., gikinahanglan balikan sa mga sundalo ang paggamit sa Arnis.
Kini human nakita sa Chief of Staff ang kahanas sa mga sundalo nga miembro sa AFP Arnis club nga mipakita sa ilang katakos makig-away pinaagi sa Arnis atul sa ika-127 nga anibersaryo sa AFP didto sa Camp O’Donnel sa Capas, Tarlac niadtong Marso 22.
Ang paggamit sa Arnis makatabang sa pagdepensa sa nga sundalo sa ilang kaugalingon atul sa emerhensiya, matud ni Brawner. “Kailangan kayang-kaya natin depensahan ang atong sarili, ginamit ito ng mga ninuno natin kasi bawal ang magdala ng armas kaya gamit nila ang mga sticks.”
“If any threat comes to our country ay kailangan kayang kaya nating depensahan. Hindi lamang tayo dumedepende sa armas, but we have to be also adept and competent in fighting with our bare hands,” dugang ni sa opisyal
“Tayo ang gumawa nito, tayo ang nagimbento ng Arnis. Therefore, we should be proficient, we should be experts in Arnis,” dugang niini.
“Ang dapat na pinaka-expert niyan ay ang mga sundalo ng Armed Forces of the Philippines,” pahayag ni Brawner.
Sumala ni Brawner dili lang sa armas, angayang mahanas ang mga sundalo, apan apil na niini ang paggamit sa Arnis.
Ang Arnis usa ka karaan nga pamaagi sa martial arts sa pagdepensa sa kaugalingon ug gidekelara ni kanhi president Gloria Macapagal-Arroyo nga “Philippine National Martial Art and Sport pinaagi sa Republic Act 9850 nga gipirmahan niadtong Dosyembre 9, 2009.
