DAKBAYAN SA DAVAO — Nakauli na sa Pilipinas ang team sa National Bureau of Investigation gikan sa Timor-Leste kagahapon, apan, wala nila nabitbit ang kanhi nga magbabalaud nga si Arnolfo Teves.
Niadtong milabayng semana, nadakpan si Teves sa Interpol samtang nadula kini og golf sa Timor-Leste.
Sumala ni NBI director Medardo De Lemos padayon pang gibalasa sa mga otoridad sa Timos-Leste ang hangyo sa International Crime Police Organization (Interpol) nga ipailawom kanila ang kustodiya ni Teves.
“Legal process po ito ng Timor (…) at tayo naman bilang requesting party sa pamamagitan ng Interpol ay mag-aantay kung ano ang termination point at process nila doon sa kanilang bansa,” matud ni De Lemos.
Nakakuha usab og mga hulagway ang NBI nga nagpamatuod nga buhi ug anaa sa prisohan si Teves, kay matud sa NBI Director gitugutan sila ni Presidente Jose Ramos-Horta nga idokumento ang pagkabilanggo sa kanhi magbabalaud.
Naglaum usab ang Presidente sa Timor-Leste nga daling mahuman ang pagsusi sa mga dokumento aron papaulion na si Teves sa Pilipinas aron atubangon ang kasong pagpatay kang kanhi Negros Oriental Governor Roel Degamo ug laing siyam pa ka mga nangamatay atul sa pagpangronda sa mga armadong tawo nga gisuspetsahang naghimo sa krimen ubos sa mandu ni Teves.
