DAKBAYAN SA DAVAO —Gilubong na kaganinang buntag ang patayng lawas sa Overseas Filipino Worker nga si Jullebee Ranara sa Golden Heaven Memorial Park sa Las Piñas City.
Nakita ang sunog nga lawas sa 35-anyos nga si Ranara sa usa ka desierto sa sa Kuwait, Â ug ang 17-anyos nga anak sa iyang amo ang nahimong suspek sa krimen.
Miabot ang patayng lawas ni Ranara Pilipinas niadtong Enero 28, samtang ang anak sa iyang amo, naa na karon sa poder sa Kuwaiti Pulis.
Naglaraw ang mga magbabalaud nga dili lang usa magpadala og mga OFW sa Kuwait tungod kay daghan na ang natala nga pagpangubuso nga milambigit sa mga OFW sa nahisgutang nasud.
Sumala ni Migrant Workers Secretary Susan Ople ilang hatagan og hustisya ang kamatayon ni Ranara.
Dunay mga report, gilugos ug nabuntis sa 17-anyos nga anak sa iyang amo si Ranara.
Misaad na  si Kuwaiti Minister of Foreign Affairs Sheikh Salem Abdullah Al-Jaber Al-Sabah nga silutan sa ilang gobierno ang suspek, apan wala pa kini masuta tungod kay niadtong Sabado lang sa gabii gipailawom sa autopsy ang batayng lawas ni Ranara..
Samtang si Pangulong P Ferdinand “Bongbong” Marcos Jr. nakatakdang makigpulong sa mga opisyal sa Kuwait aron tan-awon ug unsay angayang himoun aron maprotektahan ang mga OFW sa Kuawait ug dili na maotro ang nahitabo kang Ranara.
Kahinumduman nga niadtong Prerero 2018, nakita ang patyang lawas sa 29-anyos nga si Joanna Demafelis, usa ka OFW sa Kuwait nga gisulod sa freezer.
Dugang nang dunay problema ang pipila ka OFW sa Kuwait ug wala gayud maundang ang mga kaso sa pagpangbuso sa mga babayeng OFW, ug kini ang gustong tudtukan sa gobierno sa Pilipinas ug sa Kuwait.-Paul T. Palacio
