DAKBAYAN SA DAVAO-— Ang pagtumaw kuno sa Omicron, bag-ong Cpvid-19 nga variant, silot sa ginoo sa mga tawo nga mulitos kaniya isip tinuboy nga anak sa Dios, matud sa nagpailang appointed son of God, nga si Pastor Apollo C. Quiboloy.
Si Quiboloy, ang Executive Pastor sa Kingdom of Jesus Christ the Name above Every Name, namulong atubangan sa iyang mga tagasunod sailing youtube account angayang ihunong na sa publiko ang “paglutos” kaniya kay kon dili mag-antos kuno sila sa pandemiya.
“Giingnan ko kamu, kini ang kamatuoran, hapit na ang adlaw sa Dios. Ayaw kamo og bugal bugal o pagpanglutos sa gitudlo nga anak sa dios, kay ang amahan sa langit mideklara na pinaagi sa iyang anak, nga walay makapugong niini,” saysay sa pastor.
Kahinumduman nga mipasaka ka na ang federal authorities sa Istados Unidos og kasong sex trafficking batok ni Quiboloy ug sa iyang mga kauban.
Giakusahan sa Federal Court si Quiboloy ug duha pa niini ka kauban sa pagpang -rekrut og mga babae nga nag edad sa 12 hangtod 25 isip mga katabang, o mga “pastorals.”
Ang mga pastorals ang maoy moandam sa pagkaon ni Quiboloy, maglimpyo sa iyang kwarto, magmasahe kang Quiboloy o makighilawas kaniya sa iyang kwarto sa ilang “night duty.”
Kahinumduman nga dinhi sa Pilipinas, gipasakahan og kasong rape, child abuse ug trafficking apan gibasura kini sa Davao City Prosecutor’s Office niadtong tuig 2020.
“Pasiuna pa lang ning Delta variant. Kung inyong ipadayon ang pagpasakit ug paglutos sa Appointed Son ug sa iyahang Kingdom, makakita mo og mas lala pa sa Omicron variant,” dugang ni Quiboloy.
Apan, ang mga kritiko ni Quiboloy nagbutyag nga ang Omicron nagsugod man sa South Africa, samtang ang iyang kaso didto gipasaka sa America.
Sa pagkakaron, wala pay nadawat nga extradition request gikan sa Estados Unidos ang opisina sa Department of Justice.
