DAKBAYAN SA DAVAO— Posibleng ipabalik og suot sa gobierno sa Pilipinas ang face shield tungod sa hulga sa bag-ong Covid-19 variant nga gitawag og Omicron.
Sa usa ka virtual press conference kaganina, gisaysay ni vaccine czar ug National Task Force chief implementer Carlito Galvez Jr., nga hisgutan pa sa Task Force ang isyu, apan, iyang gisaysay nga daku og posibilidad nga ipabalik ang pagpasuot sa face shield aron maproteksyonan ang katawhan.
“We will look at the possibility. ‘Yan nga ‘yung inaano ni Secretary Duque na he is, he is pro na ano, maibalik ‘yung any protection na pwede nating gamitin. Kasi some people from WHO also believe na kaya nagkaroon tayo ng result dito sa Delta as compared to others is because of the added protection of the face shield,” saysay sani Galvez.
Ang pahayag ni Galvez gipagawas usa ka adlaw human gideklara sa World Health Organization nga ang B.1.1.529 variant nga nakita sa South Africa (SARS-CoV-2 usa ka “variant of concern,” nga matud pa, paspas kaayong mokatag.
Sukad karong adlawa dili na pasudlon sa Pilipinas ang mga pasahero naggikan sa South Africa, Botswana, Namibi, Lesotho, Eswatini ug Mozambique, kini human gitaho sa World Health Organization (WHO) nga daghan na ang nagpositibo sa Omicron didto.
