DAKBAYAN SA DAVAO — Nasakpan sa mga operatiba sa National Bureau of Investigation ug Philippine Drug Enforcement Agency ang 560 kilos o balor P3.8 bilyon nga shabu sa ilang pagronda didto sa Pampanga.
Gilusad ang pagpangronda didto at Gate 1 Empire 999 Realty Corporation sa Purok 5 San Jose Malino, Mexico, Pampanga niadtong Septiembre 24 ug gipagawas ang report niadtong Septiembre 28.
Nahitabo ang pagpangronda human sa tulo (3) ka tuig nga pagpaniid sa operasyon sa sindikato, hangtud nga nakapasulod ang NBI og ispeya sa grupo nga maoy mitimbre nga dunay moabot nga mga chicharon ug fish crackers.
Sinaku nga fish crackers ug chicaron ang miabot ug dunay mga nakasulat sa mga saku sa pulong nga Thai kon posibleng gikan kini sa Thailand..
Sumala sa NBI, usa ka sindikato ang nagpaluyo sa operasyon.
Sutaon pa sa PDEA kung madiskitahan ba sa ilang mga pasilidad ang baho sa fish cracker nga dunay sagol nga illegal nga druga.
Kini ang pinakadakung shabu nga nadiskonrehan karong tuig 2023.-Paul T. Palacio
