Php.5milyon nga kantidad sa druga nasignit sa drug bust

DAVAO CITY – Gipahigayon ang drug buy bust operation sa kapulisan sa Bajada Police Station 18 sa Block 1, S.I.R, Barangay 76-A, Davao City pasado alas 11:00 sa gabii, Pebrero 13, 2025.

Atul sa operasyon nadakpan ang usa ka construction worker nga si alyas “Palo”, 45 amyos, residente sa lugar dihang napalitan kini sa poseur buyer nga pulis og usa ka sachet nga adunay gituohang shabu.

Subay sa report sa mga pulis, nakuhaan pa gyud og laing lima ka mga assorted sachets nga adunay gituohang shabu nga mobalor tanan sa 522,648 pesos.

Kasohan ang suspetsado pinaagi sa inquest proceedings sa piskalya.