DAKBAYAN SA DAVAO— Nagpahigayon kagahapon, Abril, 7, ang Pilipinas sa pinakaunang niining pagbansay didto sa West Philppine Sea.
Kuyog sa Pilipinas ang mga nasud sa Estados Unis, Australia ug Japan ug gitawag kinig Multilateral Maritime Cooperative Activity (MMCA) sa West Philippine Sea, subay sa ilang pasalig sa pagpalig-on sa rehiyonal ug internasyonal nga kooperasyon.
Lakip usab ang USS Mobile ug usa ka P-8A Poseidon gikan sa United States Navy, nga usa ka barkong panggiera sa US, ang Royal Australian Navy HMAS Warramunga, ang tribal destroyer sa Australia ug Royal Australian Air Force P-8A Poseidon maritime patrol aircraft, ug ang JS Akebono ang destroyer sa Japan Maritime Self-Defense Forces.
Daghang pagbsanay sa nahitabo sama sa, komunikasyon, division tactics ug photo exercise sa kahanginan ug kadagatan, kini aron mas mapalig-on pa ang kooperasyon sa depensa sa upat ka nasud sa Indo=Pacific Region, isip pagpangandam sa mga posibleng mahitabo.
Makita nga ang mga eroplano sa upat ka nasud naglupad lupad sa kahanginan ibabaw sa West Philippine Sea.
Matod sa Armed Forces of the Philippines (AFP), ang MMCA giubanan sa Australian Defense Force (ADF), Japan Self-Defense Forces (JSDF), ug United States Indo-Pacific Command (USINDOPACOM).
Ang mga exervises gilangkuban sa BRP Gregorio Del Pilar nga adunay AW109 helicopter, BRP Antonio Luna nga adunay AW159 Wildcat ASW helicopter, ug BRP Valentin Diaz gikan sa Philippine Navy.
Matud sa Armed Forces of the Philippines, Gipakita sa MMCA ang pasalig sa mga partisipante nga nasud sa pagpalig-on sa rehiyonal ug internasyonal nga kooperasyon sa pagsuporta sa usa ka libre ug bukas nga Indo-Pacific pinaagi sa interoperability exercises sa maritime domain. Makatampo usab kini ug dako sa pagpalambo sa kapabilidad sa AFP,” matod sa AFP.
Matud sa AFP, ang aktibidad, gilaumang mas makapa-lig-on saabilidad sa lainlaing mga pwersa nga magtinabangay nga epektibo sa mga senaryo sa dagat.
Samtang, ang Department of National Defense (DND) miingon nga ang kalihokan usa ka “pagpakita sa panaghiusa” sa upat ka mga nasud, ug usa ka butang nga gihimo usab sa mga nasud sa tibuuk kalibutan.
Sumala ni Departmetn of National Defense spokesperson Arsenio Andolong nagpraktis lang ang upat ka nasud subay sa internasyonal nga balaud.
Apan, Samtang nagpahiyagon ug exercise ang upat ka nasud, nagpahimo usab ang China og “Combat Patriots” sa South China Sea.
Ang Beijing’s People’s Liberation Army (PLA) Southern Theater Command miingon nga nag-organisa usab sila og “joint naval ug air combat patrols sa South China Sea.”
Sumala sa China ang tanang kalihukan sa South China Sea nakasamok sa sitwasyon,Apan, ilang nakontrola ang panghitabo.
Sa miaging semana lang si Presidente Ferdinand “Bongbong” Marcos Jr. miingon nga gusto sa Pilipinas nga mamentinar ang kalinaw sa West Philippine Sea, apan kinahanglang tubagon niini ang nahitabo sa maong dapit.
Ang MMCA nahitabo pipila ka adlaw una mahitabo ang trilateral meeting sa Washington kung diin motambong si Presidente Marcos kauban si US President Joe Biden ug Japanese Prime Minister Fumio Kishida.
