DAKBAYAN SA DAVAO— Dili mangayog pasaylo ang Pilipinas sa gobierno sa Kuwait sa iyang paghatag og pagtagad ug pagpapuyo sa mga Pilipino nga nanglayas sa ilang mga amo, aron lang mohatag og balik og entry ug work visa ang ilang gobierno alang sa mga Filipino.
Kini ang gibutyag ni Department of Foreign Affairs Undersecretary for Migrant Workers’s Affairs Eduardo Jose de Vega, niadtong Martes, Mayo 30.
Sumala ni de Vega gibaruganan ni Presidente Ferdinand R. Marcos Jr. ang posisyon sa Pilipinas nga protektahan ang mga Pilipino nga tua sa laing nasud.
Kahinumduman nga sukad niadtong Mayo 10, 2023, gisuspenso sa Kuwait ang pagpanghatag entry og work visa sa mga Pilipino aron dili makasulod sa ilang nasud tungod kay ilang gikasuko nga giatiman og gitabangan sa embahada ang mga Pilipino nga nanglayas gikan sa ilang mga amo.
Gisuspenso sa Kuwait ang pagpanghatag entry ug work visa tungod kay matud sa Kuwait gilapas sa Pilipinas ang “Bilateral Labor Agreement” nga gipirmahan sa duha ka nasud.
Saysay ni de Vega “Sinabi ng presidente… na hindi tayo hihingi ng tawad… bakit tayo… humingi ba tayo ng tawad dahil sa mga naabusong mga maids or mga namamatay na kababayan natin?.” “Eh pinoprotektahan lang natin yung ating mga kababayan, ‘no,” dugang niini.
Kung walaon ang dangpanan sa mga Pilipino, sumala ni de Vega, sama ra kin isa pag-admita sa Pilipinas nga iyang gilapas ang balaud sa Kuwaiti.
Gusto sa gobierno sa Kuwait nga pasakahan sa Pilipinas og kasong administratibo ang personahe nga Pilipino nga mitabang sa mga nanglayas nga mga trabahante ug gusto niini nga mangayo og pasaylo ang Pilipinas kanila.
Apan, dili mangyo og pasaylo ang Presidente “Lalong lalo na, hindi natin kakasuhan yung mga kawani ng pamahalaan… na nandoon simply because masyadong ganado sila magprotect sa ating mga nationals,” Dugang ni de Vega.
“Wala gilapas nga balaud ang Pilipinas,” giklaro ni de Vega ug matud niini “Meron ding international law or function yung mga embassies na protektahan nila yung kanilang mga nationals.”
Sumala sa record sa Department of Migrant Workers, gibana-banang mokabat sa 290,000 ka mga Pilipino ang anaa sa nahisgutang nasud.-EZC
