DAKBAYAN SA DAVAO— Malinawong napahigayon kaganina Abril 13, ang plebisito sa 63 ka mga baragay nga molangkob sa walo ka nga umaabot nga munisipyo ubos sa Bangsamoro Autonomous Region in Muslim Mindanao (BARMM).
“Malinawon ug walay dagkung kasamok ang nahitabo atol sa plebisito,” Sumala ni Police Regional Office 12 (PRO-12) Regional Director Brig. Si Gen. Percival Augustus Placer. Hinuon, dunay mga mitumaw nga problema kabahin sa mga nangawala nga mga pangalan sa listahan sa Commission on Elections (Comelec).
Sa talaan sa Comelec, nipartisipar sa plebisito ang 72,658 ka mga botante nga nagrepresentar sa 81.10%, ka mga botante sa nahisgutang mga barangay.
Sa mga ningbutar, 72,358 ang mi-uyon sa paghimo og bag-ong mga munisipyo, 273 ang wala mi-uyon ug laing 27 ang walay gipadayag nga tubag kon nag-abstain.
Base sa mga dokumento nga gihatag sa Commission on Elections niadtong Sabado, Abril 13, mao kini ang mga bag-ong lungsod nga namugna, lakip na ang gidaghanon sa mga residente nga mibotar pabor o supak sa ilang pagmugna sa plebisito.
Kadayagan – Oo: 6,292; Dili: 80
Kapalawan – Oo: 10,495; Dili: 2
Ligawasan – Oo: 11,788; Dili: 0
Malidegao – Oo: 12,255; Dili: 44
Nabalawag – Oo: 7,442; Dili: 14
Daang Kaabakan – Oo: 6,611; Dili: 4
Pahamuddin – Oo: 5,974; Dili: 116
Tugunan – Oo: 11,501; Dili: 13
Dunay nahitabong aberya sa suplay sa kuryente didto sa munisipyo sa Pigcawayan mga alas 10:30 apan nabalik dayon pagka alas 11:06 sa buntag.
Una nang nagpahibalo ang PNP nga magpadala sila og dili mominos sa 440 ka mga polis gikan sa Police Regional Office-Bangsamoro Autonomous Region (PRO-BAR) ang gipakatag alang sa plebisito.
Ang mga lugar kung diin gihimo ang plebisito mao ang mga gokonsiderang Special Geographic Areas (SGA) ubos sa teritoryo sa BARMM>
Personal nga mibisita sa Secretary Carlito Galvez ug nag-obserbar sa nahitabong plebisito.
