CAGAYAN DE ORO CITY —Isip pasiunang aktibidad sa pagsaulog sa Environment Month, nananggal og mga pokot nga nakadaut sa mga corals didtosa Puntod Shoal sa Gingoog City, ang mga membro sa Philippine National Police.
Mokabat na sa tulo (3) ka ektaryang kadagatan nga sakop sa Barangay San Juan, ang nalimpyohan sa usa ka diving sesyon nga ilang gihimo didto sa kadagatan.
Ang aktibidad gihimo atol sa diving session nga gi[anguluhan ni Gingoog City PNP Chief Lt. Col. Ariel Pontillas, kuyog ang mga divers nga police og mga opsiyal.
Tumong sa grupo ni Col, Pontillas nga malimpyohan ang kadagatan og malibre ang mga corals aron makatubo kini og insakto, aron dunay makaon ang mga isda ug kini dakung tabang sa kinaiyahan.
Sa ilang pagpanglipyo nakahipos og kapin napulo ka kilong guba nga pokot ang mga divers.
Mibisita usab si PNP Region 10 Director Brig. Gen. Rolando Anduyan, sa iyang mga sakop nga napahigayon og clean-up drive.
Matud ni Anduyan, ang diving sessions sa mga pulis, usa ka pagpangandam kanila aron sila makatabang sa pagbantay sa kadagatan labi na sa mga mananagat nga naggamit og gidili nga pamaagi sa ilang pangisda.
Ang Puntod Shoal, gideklarang protected area ug giplanong himon nga diving site, base sa usa ka ordinansa nga gi-istudyuhan na karon sa konseho, sumala ni Konsehal Judine Bernadez, ang Tourism Committee Chair sa City Council sa Gingoog.-Jigger J. Jerualem
