DAKBAYAN SA DABAW, Mindanao — PATAY ang usa ka Policewoman human nga nabanggaan ang gimanehong motorsiklo niini alas 12:15 sa udto kaganina, Abril 22, 2018.
Ang biktima nailhang si PO1 Teffany Judaya, 23 anyos nga naasign sa Conpostela Municipal Police Station, paingun na unta magduty ang biktima samtang naglawig sa National Highway Magsaysay nabunturan sakay sa iyang motorsiklo nga usa ka Yamaha Sniper 150 dunay plate LD 90222 kalit kining gibanggaan sa usa ka White Toyota Fortuner.
Sa gihimong pag imbestiga sa Nabunturan Police Station, nagdagan ang fortuner nga gimaneho sa 61 anyos nga si Jorge Dumagpi sa opposite direction, gikan pa sa San Fernando, Pampanga paingun unta sa Noralla South Cotabato.
Pag-abot sa maong lugar, kalit nga miilog sa lane ni PO1 Judaya ang toyota fortuner, head on ang pagka bangga sa duha.
Nakahiagum ug mga samad ug bun-og sa nagkadaiyang parte sa kalawasan si PO1 Judaya, gisuwayan pa kini sa pagtabang sa Compostela Nabunturan Emergency Response Team ug gidala sa Nabunturan Doctor’s Hospital diin kini gideklarang dead on arrival sa attending physician nga si Dr. Rami Bagaoisan.
Samtang ang driver sa toyota fortuner nga si Dumagpi ang boluntaryong misurrender sa Nabunturan Police Station diin kini possibling mag atubang ug kasong Reckless Imprudence Resulting to Homicide samtang ang patayng lawas sa biktima ang anaa gidala sa Pabilona funeral Parlor sa Nabunturan CVP.-Rey Nuñez/Newsline.Ph
