DAKBAYAN SA DAVAO —Nagkagamay na ang populasyon sa mga batan-on sa Pilipinas sa milabayng duha ka dekada.
Kini ang gisaysay sa Population Commission niadtong Domingo, Agosto 14, 2022 sa usa ka sulat pahayag.
Base sa talaan sa POPCOM, mikunhod na ang populasyon sa mga batan-on.
Matud sa POPCOM, sa taho sa Philippine Statistics Authority, ang mga bata nga nag-edad ubos sa 5-anyos miubos na sa 10.2 porsyento niadtong tuig 2020 gikan sa 10.8% niadtong tuig ug 12.6% niadtong tuig 2000.
Ang populasyon sa mga batan-on nga nag-edad og 15-anyos paubos mikunhod usab gikan sa 37% niadtong 2000 hangtud 30.7% niadtong tuig 2020.
Nakita ang kabag-ohan sa populasyon sa Pilipinas tungod sa pagkunhod sa pagkamabungahon kon fertility, nga miresulta sa sa pagkunhod sa populasyon sa mga bata nga nag-edad og ubos sa 5-anyos, matud ni POPCOM Executive Director Juan A. Perez III.
Matud ni Perez Makita sa ilang talaan ang pagkunhod sa populasyon sa mga bata sukad niadtong tuig 2015, isip resulta sa ka epektibo sa ilang kampanya sa “Family Planning.”
Gani, nagdahum ang POPCOM nga mas mokunhud pa ang ihap sa mga batan-on kung mogawas na sa record sa tuig 2021.
Matud ni Perez, Makita usab nga daghan nang magtiayon nga dili gusto og dakungpamilya ug sagad gusto na lang og usa o duha ka anak.
Ang pagpagamay sa membro sa pamilya namatikdan usab sa tibouk kalibutan.
Apan, Makita nga ang 8.5 ka posyento sa populasyon nagpangidaron og 60-anyos pataas. Tungod kay maayo sila og panglawas.
