DAKBAYAN SA DABAW (Febrero 18) — Gibalhog karon sa prisohan Talomo si PO1 Leonard Manija, kay nagpaboto sa iyang pistola atol sa ilang pag-away sa iyang kapuyo, kagahapon sa hapon.
Gipadakop gilayon ni Davao City Police Director Alexander Tagum si Manija, sulod mismo sa iyang panimalay sa Purok 9, Shrine Hills, Matina Crossing.
Si Manija, na destino sa Talomo police, ug iyang rang kauban ang miunay ug dakop kaniya.
Ang mga silingan ni Manija nagbutyag nga hubog ang pulis ug nag-away sa iyang ka live-in sa dihang kalit
Nakuha sa mga membro sa talomo police ang Glock nga armas ni Manija
Sumala ni Tagum, angayan lang nga mabalhog si Manija sa prisohan, ug pasaakahan kini ug kaso, kay dili niya i-konsintir ang maong binuhatan\
Si Manija mag-atubang ug kasong indiscriminate firing, og paglapas sa election gun ban, ug paaglapas sa Republic Act 9262 kon Anti-Violence Against Women and Children Act.
I-rekomenda usab nga mapapha si Manija sa PNP.
Dugang niini, gi-warningan ni Tagum ang tanang membro sa DCPO nga dili nila sundon ang gihimo ni Manija, kay basin sila ang isunod.-jap
