DAKBAYAN SA TACURONG — Padayong gi-imbistigahan sa kapulisan dinhi sa lungsod ang kamatayon ni Police Officer 2 Rolly Kamid, kaniadtong Domingo sa alas 8:20 sa buntag, sa Barangay San Antonio.
Sumala sa inisyal nga resulta sa imbistigasyon, gikan nagduty si Kamid sa Lambayong, Sultan Sudarat ug nagdalli kini nga mipauli sa Tacurong aron motan-aw sa Pacquiao-Matthysse boxing fight.
Pauli na ang biktima sa iyang pinuy anan sa dihang gipusil sa wala pa mailhing suspek sa national highway.
Matud pa ni Supt. Joefil Siason, Tacurong police director, padayon pa nilang imbistigasyon sa kaso ni Kamid, aron mailhan mailhan ang nagpatay ug mahibaw-an ang motibo sa pagpatay.
Gibutyag ni Siason, nga naka sibilyan lang si Kamid ug nagsakay sa iyang motor gikan sa Lambayong.
Adunay nakuha nga inpormasyon ang kapulisan, naglasakay sa motor ang suspek ug nagpaabot ang suspek sa biktima sa daplin sa highway.
Si Kamid, kasamtangang nadistino samunisipyo sa Lambayong, Sultan Kudarat, ug siya ang detachment officer sa Maligaya Community Police Assistance Center sa Lambayong.
Tulo ka bala ang miigo sa lawas ni Kamid , hinungdan sa iyang hinanaling kamatayon.
