DAKBAYAN SA DABAW (Abril 3) — Gipangita karun sa mga sakop sa Sta Ana Police Station ang usa ka pulis nga suspetsado sa pagpatay sa usa ka babaye nga nailhang si Flanar Samson, alas sais lunes sa buntag, April 1.
Patay na sa dihang nakaplagan ang biktima sulod sa iyang balay sa Belisario Village San Antonio Agdao,
Nagtuo ang mga imbistegador nga gituohang gipuspusan ug bangko.
Sa karun way gihatag nga pangalan ang pulis nga gidudahangnagihmo sa krimen.
Nagduda ang kapulisan sa kalambigitan sa pulis, human nakuha sa crime scene ang tshirt sa suspek nga positibong giila sa asawa sa suspek.
Sumala ni Police Major Michael Uyanguren, Chief of Police sa Sta Ana Police Station, nga una nilang nahimong suspek ang bana sa biktima kay pirmi silang gaaway ug duna pa kini mga kaso VAWC sa Sta Ana Police, hinungdang ila kining gi custodiya, apan gibuhian na.
Apan dunay nakuhang witness ang kapulisan nga mutudlo nga ang maong pulis ang mipatay sa biktima.
Sa pagkakarun, ginapaabot sa kapulisan ang resulta sa finger prints nga nakuha sa crime scene, lakip na sa autopsy sa patayng lawas sa biktima.-Reeya Nuñez /NewsLine.ph
