TAGUM, DAVAO DEL NORTE (Nobembre 26) — Nadakpan sa  National Bureau of Investigation Region XI , ug Davao Del Norte Police Provincial Office niadtong byernes, si P02 Glenn Magalso myembro sa 1st Provincial Mobile Force Company (PMFC) sa Davao del Norte, sa gihimong entrapment operation nga ilang gihimo niadtong byernes, November 23,  didto sa Brgy Magdum.
Naaktuhan nga namaligya si P02 Melgaso sa kantidad nga P270,000 ang nagkalain-laing pabuto ug mga gamit pangbaboto, sama a sa lima ka sakong nitrate, 500 ka mga blasting caps, usa ka karton nga detonating cord ug 96 meters additional detonating cord.
Sa sulat pahayag nga gipagawas sa PRO11, nagkanayon si Chief Supt. Marcelo Morales, Regional Director, nga dili nila pasagdan ang mga kasaypanan ug maling binuhatan sa ilang mga sakop ug gisigurong mapasakaan ug kasong Criminal ug Administratibo si P02 Melgaso.
Niadtong Sabado napasaka ang kaso sa paglapas sa RA 9516 kun ang Illegal Possession of Explosives batok kang P02 Melgaso ug sa duha ka kauban niini ang mag amahang silas Felix ug Mark Aleria.-Reeya Nuñez/NewsLine
