Gibabagan sa mga miembro sa KOJC National Highway isip protesta sa pagsulod sa kapulisan sa ilang compound niadtong August 25, 2024.-Newsline Photo
DAKBAYAN SA DAVAO (Mayo 23) -Gibasura sa Department of Justice (DOJ) ang mga reklamong kriminal nga gisang-at ni kanhi Presidente Rodrigo Duterte batok nilang kanhi Interior Secretary Benhur Abalos ug Philippine National Police (PNP) Chief General Rommel Marbil ug uban pang mga pulis kalabot sa operasyon sa Kingdom of Jesus Christ compound aron masikop si Apollo Quiboloy.
Sa resolusyon nga gipirmahan ni Assistant State Prosecutor Angelica Laygo-Francisco, ang DOJ nagkanayon nga wala silay nakitang nga nagsuporta sa reklamo sa malicious mischief ug kalapasan sa domicile nga gisang-at ni Duterte isip administrator sa KOJC properties batok sa mga respondents. Wala usab nakakita ang DOJ nga posibleng hinungdan sa pagpasaka og kaso batok sa mga akosado.
Kahinumdoman nga niadtong Septiembre sa miaging tuig, si Duterte nisang-at og reklamo nbatol sa operasyon sa kapulisan nga naglambigit sa pagpasulod sa mga operatiba sa propedad ug pinuy-anan sa KOJC compound ng matud niini sobra ra ug dili makatarunganon ug gihimo nga walay search warrant, ug nangaguba pa ang mga estraktura.
Gipasabot usab sa reklamo nga kinahanglang manubag ang mga dagkong opisyal sa command responsibility.
Gipasabot sa DOJ nga ang pagkaguba sa estraktura resulta lamang sa operasyon ug balido nga pagdakop.
Gitumbok usab sa maong resolusyon nga pipila ka mga respondents, apil sila si Abalos ug Marbil, wala diha atol sa maong operasyon, klarong nagpakita nga wala sila mosulod sa KOJC compound tungod sa giingong kalapasan sa domicile.
Gipasabot pa sa DOJ nga ang doktrina sa command responsibility wala magamit sa domestic criminal liability ubos sa Revised Penal Code.
Paul Trajera Palacio, a veteran news anchor got his Mass Communication Curriculum from University of Mindanao-Davao Campus.
He is the current News Anchor of Newsline Philippines.
