DAVAO CITY – Bandang alas 6:00 kagabii, Setyembre 3, 2023 dihang miulbo og sugod ang kalayo sa balay nila Lito Dalogdog Caberte ug Geraldine Caberte Carreon sa Campo 1, PUrok 1-c, Barangay Talomo River, Calinan, Davao City ug mikanit ang kalayo sa sari-sari store.
Miresponde ang mga personahe sa Calinan Fire Station ug USAR sa Central 911 Fire Auxiliary Services ug gideklara ang fire out bandang alas 7:30 kung asa gibana-banaang moabot sa 100,000 pesos ang danyos sa sunog.
Migawas sa inisyal nga imbestigasyon nga faulty electrical wiring ang sinugdanan sa kalayo nga posibleng naay guna ang linya sa kuryente.
Walay gireport nga naangin nga kinabuhi atul sa sunog.
