DAKBAYAN SA DABAW — Si Zio Braco natawo nga dunay problema sa iyang tiil ug kamot, apan nagpabiling normal ang iyang mga paglihuk tungod sa iyang pagsalig sa iyang katakos.
Sumala ni Zio, gusto niyang molukat ug lisensya sa Land Transportation Office (LTO) aron adunay siyay papeles sa iyang pagmaneho, apan, matud niya didto lang daw sa kauluhan puede molukat ug ‘driver’s license.’
Apan matud ni LTO Davao licensing chief Oscar Don Zamora, nagahatag sila ug lisensya sa mga PWD, gani ubay ubay na ang ilang nahatagan.
Kinahanglan lang molukat si Zio ug medical certificate sa usa ka ‘orthopaedic doctok’ nga sya puede maka drive.
“Ug naa syay medial certificate gikan sa accredited LTO doktoc, puede mi mo-issue ug lisensya niya,” dugang ni Zamora.
Kay wala may lisensya sui Zio ang iyang Person with Disability (PWD) ID maoy iyang itunol kung pangitaan siya ug lisensya.
Saysay ni Zio, nadakpan na kuno siya samtang nagmaneho didto sa may San Pedro St., apan iiyang gipasabot ang nidakop kaniya nga wala siya nakakuha ug lisensya tungod, wala pay PWD license to drive nga gina-issue dinhi sa Dakbayan.
Sumala sa iyang kauban, komportable siya sa pagmaneho ni Zio ug wala pud sila nagkaproblema sa kadalanan.
Midugang si Zamora nga dili mahimo nga magsige ug drive si Zio nga walay lisensya, ug angay siyang masayod nga kini hugot nga ginadili sa atong balaud.-ezc/NewsLine.ph
