DAKBAYAN SA DABAW, Mindanao— Dul-an singko mil ka mga Security Forces ang ikatag ugmang adlawa ang Davao City Police Office arun nga masiguro ang seguridad atol sa Parada Dabawenyo
Sumala Ni City Director PSSupt. Alexander Tagum nga dunay idugang nga puersa ang rehional nga buhatan sa PNP nga mga sakop sa SWAT ug dos syentos ka mga sakop sa Regional Mobile Force Batallion, dunay say mga SWAT Personnel gikan sa laing Probinsiya nga ilang gi tap tungod kay muapil sa Parada ugmang adlawa ang mga sakop sa DCPO SWAT diin apil sa ilahang ipasigarbo ang ilang mga gamit.
Duna say muabag nga mga BPOU ug mga Civilian Volunteers nga mokabat sa 334 ka tawo.
Gilaumang muabot sa dyes mil ka mga tawo ang mudagsa ugmang adlawa tungod sa Food Station nga emuntar sa lokal nga kagamhanan, Libreng pakaon ni Davao City Mayor Inday Sara Duterte.
Matud pa 50 ka mga baka ang litsunon nga ipakaon ug libre sa mga tawo ug 10mil sab ka mga lunch packs ang ipang apod apod.
Dugang ni Col. Tagum, ibawal atol sa Parada ang paggamit ug kalo, payong, bonnet ug shades kung d malikayan ipatanggal kini atol sa inspection
Bawal sab ang pagdala ug armas ug Canisters.
Gisiguro sa DCPO nga mahumang hapsay ug malinawon ang pagsaulog ugmang adlawa sa Parada Dabawenyo.– Rey Nuñez/Newsline.ph
