Sumala sa PNP, ang suspek usa ka tricycle driver nga posibleng dunay personal nga kalagot kang Mervin Duarte.
DAKBAYAN SA DAVAO—Naa nay person of interest sa kamatayon ni Southeast Asea gold medalist  Mervin Duarte, kini sumala sa Calapan PNP, sa Oriental Mindoro.
Gidunggab patay si Duarte bandang alas 4:00 sa kaadlawon sa Barangay Camilmil, Calapan City niadtong Enero 7.
Sumala sa Calapan PNP, nakig-inum si Duarte sa iyang mga barkada ug gidunggab kini samtang natulog.
Base sa imbistigasyon sa kapulisan, makita sa CCTV ang usa ka suspek nga nagbaktas paingon sa balay nga gitulugan ni Duarte ug pipila ka minuto, nakita kini nga nagbaktas gikan sa balay kung diin nahitabo ang krimen.
Ang suspek usa ka tricycle driver, nga nagpuyo doul lang sa gitulugan ni Duarte. Nagduda sa kapulisan, dunay personal nga kalagot ang suspek kang Duarte.
Wala sa mga balay nga naronda sa mga pulis ang suspek ug padayon pa kining gipangita.
Ang karera ni Guarte milungtad og kapin sa usa ka dekada, sugod niadtong 2011 atul sa Jakarta Southeast Asian (SEA) Games kung diin nakakuha siya og silver medals sa 800m ug 1500m events.
Nakadaug usab kini sa  Gold sa obstacle course racing sa men’s 5-kilometer race atol sa 2019 Manila SEA Games.
Midaog sab siya sa 2023 Cambodia SEA Games isip kabahin sa men’s relay team.
Si Duarte dunay duha ka anak sa iyang partner
Gikondina sa Philippine Sports Commission ug sa mga atleta ang pagpatay kang Duarte ug nangayo sila og hustisya.
