DAKBAYAN SA DAVAO-— Gimanduan ni Presidente Ferdinand R. Marcos Jr. karong adlawng Martes, ang National Economic and Development Authority (NEDA), Philippine Statistics Authority PSA ug Department of Social Welfare and Development (DSWD) nga mangitag paagi nga hatagan og umento ang ayuda sa gobyerno alang sa mga benepisyaryo sa Pantawid Pamilyang Pilipino Program ( 4Ps).
Kini matud sa President aron matabangan ang mga kabus nga naapektuhan sa pagsaka sa presyo sa mga palaliton,
Sumala ni DSWD Secretary Rex Gatchalian dunay direktiba ang Presidente nga gipagawas atol sa sectoral meeting sayo ning adlawng Martes, nga mangita sila og paagi ug pahibaw-on ang Presidente kung duna nay ikahatag.
“Isa sa mga inatasan niyang pag-aralan namin is paano huwag mag-diminish o mabawasan yung halaga ng mga financial assistance or grants na ibinibigay natin sa ating mga mahihirap na kababayan,” matod ni Gatchalian.
“Alam naman natin na ginagawa ng economic team lahat para mapababa ang inflation, pero habang ginagawa ‘yun, kailanagan kaakibat yung pagprotekta sa peso value ng mga grants na ibinibigay natin, katulad sa 4Ps at sa bang pang mga programa na nakatuon sa pagbibigay ng social portection sa pinakamahihirap nating kababayan,” dugang ni Gatchalian.
Makigtambayayong ang DSWD sa NEDA ug sa PSA sa pagpangita sa og pondo nga gamiton sa pag-adjust sa mga ayuda sa gobyerno.
“‘Yan ang gist ng meeting kaninang umaga (Martes) nga masigurado nga naka-price index kung gasto ba sa panginabuhi o presyo sa mga importanteng basket. Gitahasan kami nga makigtambayayong sa PSA ug sa NEDA sa pagpangita sa pinakamaayong index nga magamit aron masiguro nga ang tabang pinansiyal, bisan ang 4Ps grants o, sa akong tan-aw, ang tanang uban pang social protection nga among gihimo i-make sure nga wala na siya. -iiwanan kung adunay mga spike sama sa inflation,” saysay ni Gatchalian.
Ang programa sa 4Ps, ubos sa RA 11310, naghatag ug pirmi nga kantidad sa cash grants sa mga benepisyaryo. Aron madugangan ang kantidad sa grant, usa ka bag-ong balaod alang sa bag-ong hugna sa cash grants, kinahanglan nga ipasa sa Kongreso.
Apan si Gatchalian miingon nga gusto sa Presidente nga masiguro nga ang mga social protection programs dili lang ipatuman sa tukma sa panahon kondili tubag usab sa mga hagit nga dala sa inflation. Busa imbes nga magbaton ug bag-ong set sa cash grants, ang Presidente mimando kanila sa paghimo ug usa ka set nga pormula sa mga grants aron kini ma-adjust base sa pagtaas sa kasamtangang presyo sa palaliton.
Matod ni Gatchalian, ang pagsaka sa presyo sa mga palaliton sa nasud alang sa ubos nga 30 porsiyento nga kita nga mga panimalay, kinsa maoy labing apektado sa epekto sa inflation, natala sa 6.7 porsiyento niadtong 2023.
Matud ni Gatchalian nga gusto sa Presidente nga mahuman dayon ang pagtuon. “In the President’s term naman ang tanan, ‘everything has to be done now.’ ‘Di ba sa Bagong Pilipinas dili pinag-uumaga ang trabaho,” matod niini.
