DAKBAYAN SA DAVAO-— Naigo sa sunodsunod nga labing menos 10 ka mga linog sa sayong mga oras karong adlawng Sabado ang nasud sa Taiwan.
Ang pinakakusog mitala sa 6.1 magnitude, sumala sa Central Weather Administration sa Taiwan.
Apan, wala hinuon nagpagawas og warning kabahin sa tsunami.
Ang labing kusog nga 6.1-magnitude nga linog nahitabo lang sa baybayon sa 2:21 am (1821 GMT) sa usa ka mabaw nga giladmon nga 24.9 kilometros (15.5 milya).
Gisundan kini sa pipila ka gagmay nga mga pagtay-og sa wala pa ang laing kusog nga linog sa 2:49 am (1849 GMT), nga nahitabo sa yuta mga 40 kilometros gikan sa Hualien City sa silangang baybayon, sa giladmon nga 18.9 kilometro.
Ang Taiwan National Fire Agency miingon nga walay diha-diha nga mga taho sa kadaot.
Kahinumduman nga naigo Taiwan sa magnitude 7.4 nga linog niadtong milabayng semana kung diin 17 ang natalang namatay human sa linog nga hinungdan sa pagdahili sa yuta nga nakababag sa mga dalan ug grabeng pagkaguba sa mga bilding sa palibot sa nag-unang siyudad sa Hualien
