DAKBAYAN SA DAVAO–– Gitambagan ni Presidente Ferdinand “Bongbong” Marcos Jr. ang suspendidong Congressman nga si Arnolfo Teves Jr. nga mopauli na lang sa Pilipinas.
Kini ang tubag sa Presidente human gibasura sa nasud Timor-Leste ang aplikasyon ni Teves nga didto una kini motago ug nangayo kini og protection isip political asylum.
“Come home. That’s the best advise I can give him, Come home,” kini ang giluatan sa Presidente una kini misakay sa eroplano gikan sa Indonesia pauli sa Pilipinas.
Ang political asylum ni Teves nahisgutan ni PBBM og ni Timor-Leste Prime Minister Taur Matan Ruak atol sa 42nd Association of Southeast Asian Nations (ASEAN) Summit didto sa Labuan Bajo, Indonesia niadtong Huebes.
Gisaysay ni PM Ruak kang PBBM nga puede pang moapilar si Teves sa pagbasura sa iyang gihangyo nga political asylum.
Apan, nagpasalamat si PBBM kang Ruak sa kapaspas sa iyang pagbasura sa aplikasyon ni Teves.
Mibiya si Teves sa Pilipinas ug nagtago-tago human kini nadalahig sa brutal nga kamatayon ni Negros Oriental Governor Roel Dagamo niadtong Marso 4.
Niadtong Marco gisuspenso sa Kongreso si Teves tungodkay wala kini mopauli ug mipakita sa human natapos ang iyang travel authority.
