DAKBAYAN SA DAVAO —Giaprobahan sa House of Rerepsentatives sa Estados Unidos ang usa ka balaodnon kaniadtong Sabado nga magpugos sa sikat nga social media app nga TikTok o ang ByteDance sa China nga isara sa Amerika.
Ang ByteDance ang kompaya sa TikTok App, naggikan sa China.
Naalarma na ang US ug uban pang mga opisyal sa Kasadpan sa popularidad sa TikTok sa mga batan-on, nga giingon nga gitugotan niini ang Beijing sa pagpaniid sa mga tiggamit. Adunay 170 milyon ka tawo ang nagagamit sa TikTok sa Estados Unidos lamang.
Ang mga kritiko sa Tiktok nag-ingon usab nga ang TikTok nagpasakop sa Beijing ug usa kini ka paagi aron ipakaylap ang propaganda. Apan, Gipanghimakak sa China ug sa kompanya kini nga mga alegasyon.
Ang balaodnon, nga mahimong hinungdan sa talagsaon nga lakang sa pagpugong sa usa ka kompanya sa pag-operate sa merkado sa US.
Kay napasar na kin isa Kongreso sa US niadtong Sabado ug gilauman nga isaka na kini sa Senado aron botohan sunod semana.
Ang Presidente sa US nga si Joe Biden nagpahayag nga pirmahan niya ang balaod. Gisubli niya ang iyang mga kabalaka bahin sa TikTok sa usa ka panag-istoryahanay sa telepono sa Presidente sa China nga si Xi Jinping sayo ning bulana.
Ang ultimatum sa social media app gilakip sa usa ka mas lapad nga teksto nga naghatag tabang alang sa Ukraine, Israel ug Taiwan.
Mireklamo gilayon ang TikTok ug nasubo sa desisyon sa Kongreso sa US kay matud niini nalambigit na ang katungod sa libreng pamahayag 170 milyon ka TikTok users, 7 milyon ka mga Negosyo nga unta nakatabang ang nahisgutang pplatform oh $24 bilyon sa ekonomiya sa US kada tuig.
Ubos sa balaodnon, kinahanglan nga ibaligya sa ByteDance ang nahisgutang AOo sulod sa usa ka tuig o dili iapil sa Apple ug Google’s app stores sa Estados Unidos.
Giaprobahan sa House of Representatives sa miaging bulan ang susamang balaodnon nga nagbungkag sa TikTok, apan ang lakang gipugngan sa Senado.
Si Steven Mnuchin, nga nagserbisyo isip kalihim sa panudlanan sa US ubos sa kanhi presidente nga si Donald Trump, miingon nga interesado siya sa pag-angkon sa TikTok ug nagtigum sa usa ka grupo sa mga namuhunan.
