15 ka balay gi-demolis sulod sa UP-Mindanao Campus

Posted on

DAKBAYAN SA DABAW (Marso 22) — Hini-usang puersa sa kapulisan ug Kinse mga pinuy-anan ang gi-demolis kagahapon sa buntag sulod sa University of Philippines (UP) Mindanao campus, sa Bago Oshiro, Tugbok District ning dakbadayan.

Nahimong hapsay ang gihimong demolisyon, apan, usa ka 80-anyos nga lola ang emosyonal nga nagdumili sa pagabungkag sa iyang balay tugod kay dili siya gusto biyaan ang iyang balay.

Mitiabaw ang tiguwang sa dihang iyang nasaksihan nga giguba na ang iyang pinuy-anan. Gikuha gilayon siya sa taga City Social Services and Development Office (CSSDO) ug gidala sa barangay health center.

Ang UP-Mindanao Campus nahumutang sa 20-hektaryas nga luna sa gobyerno, ug didto usab ginahimo ang multi-billion nga Sports Center sa Dakbayan.

Ang demolisyon gipahigayon, aron makompleto na ang mga pacilidad nga kinahanglan alang sa pagahimoung Palarong Pambansa.

Sumala ni Davao City Police Director Alexander Tagum, walay mibabag sa demolisyon tungod kay napasabot na sa lokal nga panggamhanan ang mga residente nga ang luna nga ila giokupa, gipanag-iyahan sa goberno.

Ang proyekto nga Sports Complex sa sulod sa UP-Mindanao, gihimo pinaagi sa kasabutan tali sa mga ingkargado opisyal sa unibersidad ug sa mga opisyal sa dakbayan, pinaagi sa Memorandum of Agreement nga dugay ng napirmahan.

Dakong buto sa pondo alang sa pagmugna ug Spors Complex, ang gigahin pinaagi ni kanhi Kongresista Isidro Ungab, niadtong siya pa ang chairperson sa Finance Committee sa Kongreso, ug mihatag usab ug dakong pondo ang dakbayan.

Gihimo ang demolisyon uban ang mga personahe sa Tugbok police, Bureau of Fire Protection, 911 ug City Demolition Team.-Reeya Nuñez/NewsLine.ph

Be informed
  •  
  •  
  •  
  •  
  •  
  •  
  •  
  •  
  •