Duterte dismayado sa padayong pag-pangabuso batok sa OFWs

Posted on

DAKBAYAN SA DABAW (Hulyo 16) — Dismayado si President Rodrigo Duterte sa nagpadayong pagpangabuso sa mga Overseas Filipino Workers (OFW), labi na sa mga nasud sa Middle East.

Kini luyo sa kamatuoran nga wala pa nahurot ug papauli ang mga OFWs nga naabuso. Apan, nadugangan na usab kini, ug padayon nga nagtapok sa ‘shelter homes’ nga gidumala sa mga embahada sa Pilipinas sa Middle East.

Niadtong Miaging adlaw, napauli ang usa ka OFW nga napuno ug paso’ ang lawas tungod kay gilapwaan kini sa iyang amo, kay bisan ug nagsakit gipatrabaho gihapon.

Si Christine (dili niya tinuod nga pangalan), nakaabot na dinhi sa dakbayan sa tabang sa mga pastor nga maoy nagpahibalo sa buhatan ni Presidente Rodrigo Duterte kabahin sa iyang gidangatan.

Atol sa ‘Pasasalamat sa OFW niadtong Biernes, Hulyo 12, gibutyag ni Duterte nga siya dismayado sa sitwasyon sa mga OFW nga gipang maltrato ug gi-abuso sa gawas sa nasud,

Tungod niini, Gimandu ni Duterte kang Secretary Silvestre Bello III, ang hepe sa Department of Labor ang Employment (DOLE), nga paspasan ug lihuk aron mamugna na ang Department of OFW.

Gimanduan usab ni Duterte si Bello nga pahugtan ang pag-monitor sa mga recruitment agencies, labi na katong naay rekord nga ilegal nga nagpadala ug OFW.

Matud ni Duterte, gikinahanglan na nga paspasan ang pagmugna sa departamento aron matutukan ang mga kaso ug mga benepisyo alang sa mga OFW.

“Kaya apurahin ko ‘yang Department of OFW,” matud ni Duterte, “Bawal na ang recruitment sa abroad…sa labas. Kung gusto nila, diyan sila maglagay ng mesa. So under the supervision of government at walang horrendous charges.”

“By December… buong Pilipinas ‘to. Bawal na ‘yang recruitment diyan sa labas…napunta ka doon. Doon ka makipag-deal, may listahan doon, mamili ka na lang kung sinong gusto mo,” si Duterte midungag.

Gi-saad ni Duterte nga iyang himoun ang tanan aron makapakanaug ug mga patakaran aron malikayan na ang kaso sa pag-pangabuso sa mga OFW.

Sa mga illegal nga recruiter, mao kini ang warning ni Duterte, “Kaya kayong mga recruitment, bilang talaga ang araw ninyo. ‘Pag hindi ko kayo nadala sa usapan na maganda, brasohan tayo. ‘Pag nag-brasohan tayo, kayo ang matatalo. Sigurado ‘yan.”

Ang katukuran sa OFW department, “Dakung tabang kana sa among mga OFW, kay naa na buhatan nga magtagad namu ug dili na siguro mi ipasa-pasa,” mao kini ang pangantaaw ni Si Elena Monil, 43, usa ka OFW.-Jiann A. Padillo/NewsLine.ph

Be informed
  • 36
  •  
  •  
  •  
  •  
    36
    Shares
  • 36
  •  
  •  
  •