Konsehal nga amahan sa Mayor sikop kay nagdala ug pistula

Posted on

LUNGSOD SA ZAMBOANGA (Hulyo 25) — Sikop sa kapulisan ang 70-anyos nga konsehal sa lungsod sa Siay, Zamboanga Sibugay human nakuhaan ug .45 nga pistula niadtong Martes, Hulyo 23.

Nasikop si Konsehal Julius Tadeja Acosta Sr., presidente sa Liga ng mga Barangay, ug amahan ni Mayor Jarvis Acosta.

Sumala ni Col. Jerry Protacion, ang probinsyal direktor sa PNP, gi aresto sa operatiba Provincial Mobile Force Company si Acosta mga alas 6:40 sa gabii sulod sa bilyaran didto sa Purok 2, Barangay Poblacion, Siay, gihimong operasyon nga “Oplan Bakal Sita”.

Gisikop si Acosta tungod kay walay mga papeles ang iyang dalang pistula ug mga bala.

Kasong sa paglapas sa Comprehensive Firearms and Ammunition Regulation Act ang ipasaka batok kang Acosta. –NewsLine.ph

Be informed
  • 21
  •  
  •  
  •  
  •  
    21
    Shares
  • 21
  •  
  •  
  •