Truck nabalintong sa diversion, 4 patay

Posted on

DAKBAYAN SA DABAW — Upat ka tawo ang kumpirmadong patay sa dihang nabalintong ang truck nga ilang gisakyan doul sa kanto sa Orange Groove, Diversion road ning dakbayan, mga ala una (1:00) ang takna karong hapon, Septiembre 11, 2019.

Sumala ni Colonel Ronald Lao, hepe sa Talomo Police Precinct, puno ug construction materials ang ten-wheeler truck nga dunay upat ka pahinante sa dihang nadisgrasya kini.

“Loaded ang truck gikan sa North, maghatud daw og materiales sa Matina Pangi, sa kabug-at sa truck, nawad-an siguro ug control ang drayber, maong iyang gibangga sa poste sa kuryente ang truck, sa kakusog sa impak, naputol ang poste unya milahos ang truck,” saysay ni Lao.

Wala pa nakuha ang kumpletong pangalan sa mga biktima, kay tu a na kini sa punerarya.

Kini ang ikaduhang panghitabo nga mikalas ug daghang kinabuhi diha sa diversion road, ang mga truck nga gisakyan sa mga biktima pulos nagkarga ug bug-at nga materyales.-jap/newsline.ph

Be informed
  • 24
  •  
  •  
  •  
  •  
    24
    Shares
  • 24
  •  
  •  
  •