“Dios Ko, luwasa ko” singgit sa ginang human nalubong sa nagliki nga yuta atol sa linog

Posted on

TULUNAN, North Cotabato — SANGKO sa langit ang pasalamat sa usa ka ginang nga gidungog sa Dios ang iyang pag-ampo sa dihang nalubong siya sa nagliki nga yuta atol sa 6.5 Magnitude nga linog sa sitio Palit, Barangay Daig.

Sumala ni Gemma Gabling, 46, naligo siya sa dihang kallit nya nadungog ang nagbuto-buto nga bato ilawon sa yuta, nga gisundan sa kusog nga linog.

“Wala koy laing masampit ang Ginoo, kay ang akong bana -nidagan,” saysay sa ginang.

Ang Barangay Daig, ang ‘ground zero’ sa 6.5 magnitude nga linog niadtong Oktobre 29.

Pag-uyog ug kusog “Nidagan akong bana, ako nalubong sa yuta-lampas sa hawak, ningsiagit ko, mao nibalik sya ug iya kung gi-ibut gikan sa yuta,” saysay ni Gemma.

Sumala sa iyang mga kaubang mga bakwit didto sa Sitio Gambin, Barangay Maibo, Magsaysay, Davao del Sur, nga nagtapis lang si Gemma ug luspad kaayo nga miabot sa ilang dapit, samtang ang iyang bana naka ‘brief’ ra kini.

Uban nga nabilin sa ilang balay ang pulo ka sakong mais, nga bag-ong nasanggi ug mga gulay, apan sa pagkakaron dili na nila kini makuha tungod kay gi-deklara sa Phiippine Institute of Volcanology and Seismology (Phivolcs) ang ilang lugar nga ‘No Build Zeno’ ug hugot nga gibawal ang pag-adto sa maong lugar.-ezc/

Be informed
  • 64
  •  
  •  
  •  
  •  
    64
    Shares
  • 64
  •  
  •  
  •