DAKBAYAN SA ZAMBOANGA — DILI pa madawat sa inahan sa tulo ka mga menor de edad nga wala na ang iyang mga anak human kini maanod sa sapa niadtong milabayng kalag-kalag.
Tulo ka adlaw pa ang milabay una nadiskorehan sa magti-ayong Rodelyn ug Maybeleyn Arcillas nga nanga-anod sa kusog nga gun-ob sa tubig sa sapa ang tulo sa upat nila ka anak.
Matud pa ni Rodelyn, nananghid ang ilang tulo ka anak nga si Dave -17anyos; Owen -11 ug Betwell-5, nga moadto sa ilang uma didto sa Barangay Dulian Upper Bungiuao, ug kay naanad na sila ang mga bata ray moadto didto-ila kining gitugutan.
Milakaw ang mga bata niadtong Petsa 1 sa Nobiembre ug nagpahibalo nga sa mobalik sila pagka ugma Nobiembre 2.
Kumpiansa ang ginikanan nga tua ra sa ilang uma ang mga bata, apan, niadtong petsa 3, naglibog na sila ngano wala pa nakapauli ilang mga anak, hinungdan nga ila kining gisubay.
Apan, nakuratan nalang sila sa balita nga dunay bata nga napalgang patay human kini naanod sa sapa.
Sa ilang pagsubay-ilang nakit-an si Dave nga nasangit sa bato didto sa sapa sa Barangay Glorigold Dulian, ug pipila ka oras ang milabay ila na usan nakit-an ang lawas ni Betwell ug Owen nga halos lata na ug puros pinaakan ug mga insekto ug nasangit kini sa dakong kahoy.
Matud ni Maybelyn walay ulan sa ilang lugar, ug wala sab siya nagdahum nga kusog ang ulan didto sa bukid, niadto iyang mga anak sa bukid aron manguha ug lagotmon alang sa ilang pamilya.-Maybelyn perez