Online barter-trading illegal-DTI

Posted on

DAKBAYAN SA DABAW — Ilegal ug angayang mobayad ug buhis ang mga nag barter-trading  nga ginahimo sa internet ug mga online sites, kini ang gibutyag ni Department of trade and Industry Secertary Ramon Lopez kagahapon

Matud ni Lopez, gitugutan lang sa gobierno ang barter-trading sa Sulu ug Tawi-tawai ug sa gawas niining mga lugar illegal kini kay misupak sa balaud sa buhis sa nasud.

Iyang gisaysay nga gitugutan ang barter-trading sa Sulu ug Tawi-tawi tungod kay kinahanglan nila ang maong pamaagi sa ilang panginabuhian, labi na kadaghanan nila mga mangingisdan ug doul kini sa baybay.

Ang pagtugot gihimo pinaagi sa Executive Order No. 64 nga gipirmahan ni Presidente Rodrigo Duterte niadtong 2018.

Ang barter-trading,  mao ang pagkinambiohay lsa mga produkto ug epektos ug walay kuarta nga malambigit niini, 

“Ang mga nag-barter dapat magbayad ug tax,” pasabot ni Lopez.

Maghimo kuno og pagpangronda ang DTU sa mga online trading sa internet.

“Bawal nga po so – at saka nalalabag nila iyong tax law diyan – anyway, ipapahanap po natin iyon dahil illegal po iyong activity,” matud ni Lopez.

Aksyonan kuno sa composite team ng DTI ug PNP (Philippine National Police), NBI (National Bureau of Investigation) ang mga ginahimong barter-trading sa online.

Apan, matud usa ni Lopez wala pa sila nakadawat ug reklamo kabahin sa lkalihukan sa mga online barter-trading.

Nauso ang barter trading sukad naigo ang nasud sa coronavirus, daghan ang nagbarter aron makakuha ug pagkaon ang ilang mga anak ug makakuha ug mga gamit nga ilang gikinahanglan, kini tungod kay nagpuyo lang sa balay ang mga tawo ug walaay panginabuhian ug walay ikapalitalang sa ilang panginahanglanaon.

Apan, niadtong Martes, gibarugan ni Lopez nga ilegal ang maong katikaran.

Si Sandra, 35, usa ka membro sa usa ka bater community ning dakbayan, nasuko sa pamahayag ni Lopez “Wala na man gani mi kuarta kay gikulong mi sabalay, wala mi kita- karon ilegal na himoun ning among gihimo.”.

Gibarter ni Sandra ang iyang mga gulay sa usa ka karton nga gatas ug diaper alang sa iyang anak, ug matag panahon nga mahutdan kini, mohanyag na usab siya ug barter.

Matud ni Sandra “Wala na man gani mo gikaon pabayaron pa mi og buhis, wala na ko kasabot aning gobiernoha ni.“-ezc/Newsline

Be informed
  • 9
  •  
  •  
  •  
  •  
    9
    Shares
  • 9
  •  
  •  
  •