Barko nasunog, 47 ka tripulante luwas

Posted on

DAKBAYAN SA OZAMIZ –— Anaa na sa luwas nga kahimtang ang tanang 47 ka mga crew ug ang kapitan sa barko nga nasunog kagabii, Hulyo 23.

Nahitabo ang sunog sa kadagatan sa Carmen ug Sogod sa Northern Cebu.

Gipahayag ni Alvin Daglea, commander sa Philippine Coastguard Station Cebu Central nga ang M/V Filipinas Dinagat sa Cokaliong Shipping Lines Incorporated mibiya sa Pier 1 sa Cebu alas 7 sa gabii padulong sa Palompon, Leyte.

Apan, alas 10 sa gabii nakadawat sila og report nga nasunog kini. Hinungdan nga gipadala dayon ang BRP Suluan (MV-4406) aron sa pagresponde sa maong hitabo.

Gidugang ni Dagalea nga ang mga barko nga duol sa nahitabuan miresponde usab sama sa LCT JSC1, LCT Melrevic 1, LCT Manoling ug ang MV Lady Victory.

Sumala sa Coast Guard 97porsyento sa barko ang gilamoy sa kalayo.

Padayon pa ang imbestigasyon sa hinungdan sa sunog.-Neptalie O. Batolenio

Be informed
  • 23
  •  
  •  
  •  
  •  
    23
    Shares
  • 23
  •  
  •  
  •