Tindera sa Ozamiz natakdan sa asymptomatic nga pasyente sa Covid-19

Posted on

LUNGSOD SA OZAMIZ—- Wala damha sa usa ka tindera sa merkado dinhi sa lungsod nga usa sa iyang kustomer asymptomatic o walay sintomas nga gibati apan positibo sa coronavirus-19.

Gipadayag ni Ozamiz City Mayor Sancho Fernando Oaminal nga usa kini ka local transmission sa Purok 3, Malaubang, Ozamiz City.

Nahibaw-an nalang sa tindera nga ang iyang kustomer dunay covid-19 sa dihang naghilanat kini ug naglain na ang iyang paminaw niadtong milabayng Huebes, hinungdan nga miadto kini sa hospital ug gipahigayon ang swab test.

Niadtong Mierkules, Agosto 25, migawas ang swab test sa tindera -nagpositibo kini sa Covid-19. Apan, una pa mani migawas ang resulta, gibutang na kini sa isolation facility.

Matud ni Oaminal, anaa na ang tindera sa MHARS Medical Center Isolation Facility.

Tungod niini ang Purok 3 sa nasangpit nga Barangay ang gipailalom sa lock down sugod kagabii, Agosto 25, aron masugdan gilayon ang contact tracing.

 Sa pagkakaron, mitala na og 28 ka positibong kaso sa Covid-19 ug ang 21 niini nakarecover na

Padayon nga nanawagan ang mayor nga kinahanglan motuman ang tanan sa pagsout ug face mask, face shield (sa pampublikong sakyanan), social distancing ug labaw sa tanan ang kanunanyng paaghugas sa kamot aron malikayan ang Covid-19.

Ang Ozamiz City napabilin sa Modified General Community Quarantine (MGCQ).-Neptalie Batolenio/Newsline.ph

Be informed
  • 13
  •  
  •  
  •  
  •  
    13
    Shares
  • 13
  •  
  •  
  •