DAKBAYAN DABAW — Diretsong gipanghimakak ni Presidente Rodrigo Duterte nga dunay siyay kalambigitan sa grupo nga nagduso sa usa ka Revolutionary Government.
Sa iyang pag-atubang sa katawhang Pilipino niadtong Martes pinaagi sa telebisyon, hugtanong gisaysay ni Dutetre nga dili siya interesado sa maong lakang kay matud pa niya hapit na mahuman ang iyang termino ug gikapoy na siya.
“Marami ngayon, may naglalabas…revolutionary government tapos ako ang sinasabi na…wala akong pakialam niyan, wala akong kilala na mga tao na ‘yan at hindi ko ‘yan trabaho,” Pamulong ni Duterte.
Matud pa niini, walay siya modasig ug walay usab siya naghatag og ideya nga manawagan ang si kinsa nga grupo alang sa rebolusyonaryong panggamhanan.
Mahinumduman nga niadtong Sabado, Agosto 22, ang grupong People’s National Coalition for Revolutionary Government and Charter Change, nagtapok didto sa Clark Freeport sa Pampanga aron iduso ang usa ka rebulosyonaryong gobierno nga ipaagi sa usa ka federal nga Constitution,
Apan, ang maong plano gibasura sa Palasyo, ni Defense Secretary Delfin Lorenzana, ug sa Philippine National Police.
Matud ni Harry Roque, ang tigpamaba sa pangulo wala gibasura sa Presidente ang iyang saad nga magtukod ug usa ka Federal System sa nasud, apan wala usab niya gikonsidera ang pagsudo sa usa ka revolutionary government, isip usa ka pamaagi aron madayon ang federalism.
Gipasabot ni Roque nga tulo lang ka pamaagi ang gilantaw ni Duterte aron maduso ang federalism -ug kini molambigit sa pag amenda sa 1987 Constitution pinaagi sa Constitutional Convention (Con-Con); Constituent Assembly (Con-Ass), ug People’s Initiative.
Wala usab kuno maglaraw si Digong nga patas-on pa ang iyang termino sa Palasyo human sa tuig 2022.
Ang mga kritiko ni Duterte nagsige na usab og yawyaw tungod kay nagduda sila nga ang maong lakang gipaluyuhan sa palasyo.-Newsline.ph