LUNGSOD SA KIDAPAWAN — Wala ka tawo ang namatay sa nahitabong pagpamusil niadtong Biernes alas 12:20 sa udto didto sa Kabacan, North Cotabato.
Gillila ni Police Lt. Ernie John Saratao, deputy police chief for operations sa Kabacan , ang mga namatay nga sila si Kors Salilangan taga Brgy Aringay; Sandigan Zailon taga Brgy Osias, Kabacan; Benladin Dimanalao taga Brgy Pedtad; Musaid Jaiden taga Brgy Poblacion Midsayap; Romeo Balatamay taga Brgy. Aringay, Kabacan; Katindig Kagayawon taga Brgy Buluan, Kabacan; Fahad Mandigan, taga Sitio Abpa, Brgy Kayaga; Budsal Lipusan ug si Datu Odin Sinsuat.
Samtang ang samaran nailhang si Tong Guiman taga Brgy Aringay.
Hugtanong gikondina ni Kabacan Mayor Herlo Guzman ang madugong panghitabo, apan, matud niini kontrolado sa lokal nga panggamhanan ang sitwasyon ug walay angayang kabalak-an ang katawhan.
Sa iyang opisyal nga pamahayag, gipadangat ni Guzman ang iyang pahasubo sa mga pamilya sa biktima ug iyang gisaad ang usa ka makuting imbistigasyon kabahin sa pagpamatay.
Sa inisyal nga imbistigasyon nga midangat sa buhatan sa mayor, gipara sa mga naka motor ang mga biktima ug gipangitaan kuno ug ga ID, ug sa dihang wala kini mapakita, dayong nahitabo ang pagpamusil.
Sumala ni Saratao nagpahulay lang ang mga biktima daplin sa national highway sa diha kalit silang gipamusil sa duha ka mga armadong lalaki.
Sumala sa mga nakakita, nakabalos pa ug pabuto ang mga biktima, apan, mas daghan na ang mitabang kanila.
Sumala sa kapulisan, rido ang hinungdan sa maong pagpamusil.-Newsline.ph