Produktong gipasigarbo MisOc makita sa Christmas Bazaar

Posted on

OZAMIZ CITY — Mapalit na ang mga produktong ginama ug gipasigarbo sa Misamis Occidental sa gipahigayong Christmas Bazaar sa Department of Trade and  Industry ( DTI )  ug sa pakig-alayon sa OTOP HUB Philippines  ug sa Pure Gold Ozamiz.

Gipahayag ni Trisha Jean Tan, ang Trade and Promotion Officer sa DTI Misamis Occidental, nga nasugdan na og display ang mga produkto sukad niadtong Nobyembre 28 ug matapos kini karong Disyembre 8.

Makita sa Christmas Bazaar ang mga paboritong pagkaon nga ginama dinhi sa probinsya ug mga souvenir items nga mahimong ikaregalo ning panahon sa Pasko.

Love Local, Buy Local and  Give Local , ang tema sa aktibidad, nagtumong niini nga masulod sa hunahuna  sa katawhan nga suportahan ang mga produktong ginama sa katawhan \

kay usa kini ka paagi nga  matabangan ang mga  exhibitors .

Ang Christmas Bazaar sa DTI, ginahimo matag tuig , aron masayod ang publiko nga naay produktong lokal nga angayang ikapasigarbo ang probinsya, ang One Town One Product Program (  OTOP) usa ka programa sa DTI nga nagaduso sa mga lokal nga produkto sa matag lugar.

Matud ni Jeff  Glodove , ang manager sa OTOP Hub Ozamiz, nga  karong tuiga, ilang tagaan ug importansya ang Love local Christmas Basket .

Sulod niini ang kompletong  mga food and non food products  nga mahimong ikaregalo.

Moabot sa singkwenta ka mga exhibitors ang miapil sa  napulo ka adlaw nga Christmas Bazaar ug moabot sa 65 ka mga produkto ang mahimong mapalit .

Mobisita lamang sa Pure Gold Ozamiz aron makita ang nakadisplay nga mga produkto ug mahimo usab nga mopalit online pinaagi sa  www.otophubozamiz.com kay ipadala ang  mga produkto kon taga diin ang mopalit niini.-Expedita  G. Roxas

Be informed
  • 4
  •  
  •  
  •  
  •  
    4
    Shares
  • 4
  •  
  •  
  •