9 ka suspeks sa pagpatay sa 4 ka Army sa Jolo gipaaresto sa Korte

Posted on

DAKBAYAN SA DAVAO — MIPAGAWAS sa Warrant of Arrest ang korte sa Jolo, Sulu aron ipaarest ang siyam (9) ka mga police nga suspeks sa pagpatay sa upat (4) ka army intelligence officer sa Jolo niadtong Hunyo 2020.

Gipagawas sa Regional Trial Court Branch 3, sa Jolo ang warrant of arrest human niini nakitaan og igong rason ug ebidensya nga kasuhan og murder ang siyam ka pulis.

Niadtong Biernes, Enero 15, gibutyag ni Prosecutor Honey Delgado sa Office of the Prosecutor General sa Department of Justice, “Warrants were issued yesterday (Thursday).”  (Gi-isyu na ang warrant of arrest niadtong Huebes.).

Kasamtangan, matud ni Delgado, gina-hearing pa sa korte ang motion aron pagpagawas og hold departure orders batok sa mga akusado, aron dili sila makagawas sa Pilipinas.

Nakita sa mga State Prosecutors nga dunay ‘probable cause’ o igong rason aron kasuhan ang siyam ka police personnel nga giilang sila si — Senior M/Sgt. Abdelzhimar Padjiri; M/Sgt. Hanie Baddiri; S/Sgt. Iskandar Susulan; S/Sgt. Ernisar Sappal; Cpl. Sulki Andaki; Pat. Moh Nur Pasani; S/Sgt. Almudzrin Hadjaruddin; Pat. Alkajal Mandangan; ug Pat. Rajiv Putalan og upat na kasong murder matag usa ug pagtanum og mga ebidensya,

Samtang gi-awhag ni Philippine National Police (PNP) spokesperson, Brig. Gen. Ildebrandi Usana nga mosurender na ang mga akusado.

Matud ni Usana, gimandu ni PNP CHIEF Gen. Debold Sinas nga imonitor ang kalihukan sa mga kanhi membro sa PNP.

Samtang gikalipay sa Armed Forces of the Philippines (AFP) ang bag-ong katikaran, sumala ni Marine Major General Edgard Arevalo, ang tigpamaba sa AFP.

Una niini, nadismaya ang AFP kay gibuhian gikan sa kustodiya sa PNP ang siyam tungod kay wala silay katungod nga mo desisyon sa kasong criminal human gipalagpot sa PNP ang mga akusado.

Kung maaristo na ang mga suspetsado, wala kini silay katungod nga mo piansa alang sa ilang temporaryong kagawasan.

Be informed
  • 1
  •  
  •  
  •  
  •  
    1
    Share
  • 1
  •  
  •  
  •