DAKBAYAN SA DABAW — GILABANAN ni Pangulong Rodrigo Duterte ang Department of Health (DOH) batok sa nahimong report sa Commission on Audit (COA) sa wala nagamit nga pundo nga nagkantidad og P67 bilyon.
Sa iyang senemanang talk to the nation, gipadayag niini nga aduna lamay problema sa kakulangan sa mga papeles hinungdan nga adunay dyutay nga problema.
“‘Pag mag-ano ang COA, magsabi sila na deficiency, ganoon . . . hindi naman ibig sabihin deficiency na ninakaw mo ‘yung pera. Deficiencies, really, in producing the necessary documents to complete the story,” sumala sa Pangulo.
Nanawagan usab siya COA nga angay sa dili pa mohimo sa audit pahumanon una sa ilang trabaho ang usa ka ahensiya ug dili dayon magpagawas og report nga gikurakot kini sa gobyerno.
Gipadayag usab niini nga makapila ka higayon na nga miduso og resignation si DOH Secretary Francisco Duque III apan wala kini niya gidawat tungod kay misalig kini nga gihimo niini ang iyang trabaho.