DAKBAYAN SA DAVAO— Naghimo og protesta ang mga aktibista nga nagaprotekta sa kinaiyahan kagahapon didto sa London sa lugar kung diin gipasundayag ang “Les Miserables” aron ipasibaw ang ilang pagbabag sa plano sa gobierno nga mangita og bag-ong kakuhaan og suplay sa lana.
“Just Stop Oil” ug “The Show Can’t Go On”, ang mga nakasulat sa ilang gibitbit nga karatula didto sa Sondheim Theater sa West End District bandang alas 9:00 sa gabiii (London Time).
Gisira sa mga nagprotesta ang agi-anan pinaagi sa pagbabag og mga biseklita.
Gi-Boo sa mga tawo ang mga aktibista ug wala nakapasundayag ang mga artista.
Sumala sa report, lima (5) ka mga aktibista ang naaresto sa miembro sa Metropolitan Police.