DAKBAYAN SA DABAW (Nobembre 15) — Patay ang tibouk ultimaura ang pamilyang Castro human nga nagbangga ang tricycle nnga ilang gisakyan ug ang Mindanao Star nga bus didto sa kanto sa Digos Diversion Road ug Barangay Cogon, Digos City, alas 6:20 kagahapon sa buntag.
Giila sa kapulisan sa Digos City ang mga biktima nga sila si Joel Castro Jr., drayber ug padre de pamilya, Honey Grace Castro (asawa), Floro Ocdenaria (amahan ni Honey Grace) ug mga anak nga si Johanna Claire-4; Cyril-2 ug ang 2-anyos nga si alyas Pedro kinamanghuran.
Sumala sa taho sa Digos City Police Station, ang tricycle nga nga g gisakyan sa pamilya Castro gikan doul sa Davao del Sur Electric Cooperative (DASURECO) paingon sa Sta. Cruz, samtang ang Mindanao Star nga dunay plaka numero ACX 7283, gikan sa Dakbayan sa Dabaw paingon sa Cotabato City.
Paliko na ang bus sa kanto padulong sa terminal mga alas 6:00 sa buntag kagahapon sa dihang nagsampok ang bus og tricycle.
Ang drayber sa bus nga si Fermin G. Macalo, nagbutyag nga iyang gilikayan ang tricycle apan nabangga gihapon.
Ang disgrasya nahitabo pipila pa lang kasimana, human nanawagan si Interior and Local Government Secretary Eduardo Año sa tanang mayor nga dili na tugutan ang mga tricycle nga moagamit sa national highay aron malikayan ang disgrasya.-Reeya Nuñez/NewsLine
