DAKBAYAN SA DAVAO —Nakakalap na si Senador Robin Padilla og pirma sa upat ka mga Senador nga sakop sa Senate Committee on Women, Children, Family Relations ug Gender Equality sa pagbabag sa pag-isyu sa Senado og contempt order batok sa Kingdom of Jesus Christ (KOJC) leader nga si Apollo Quiboloy.
Sa usa ka press conference, mipahayag si Padilla sila si Senador Cynthia Villar, Imee Marcos, Bong Go, ug JV Ejercito mipirma og written manifestation nga nagsupak sa pagdakop sa Senado kang Quiboloy.
Walo ka pirma ang gikinahanglan aron babagan ang pagluwat og warrant of arrest batok sa lider sa KOJC.
Ubos sa Section 18 sa Rules of Procedures Governing Inquiries in Aid of Legislation, Puedeng balihon sa mayoriya sa tanang miyembro sa komitiba ang order nga Contempt sulod sa pito ka adlaw.
Ang komite sa Senado adunay 14 ka mga miyembro, nagpasabut nga si Padilla kinahanglan nga makakuha og suporta sa walo ka mga senador aron babagan ang pag-isyu sa warrant of arrest.Apan, karong hapon, gibawi ni Senador Ejercito ang iyang suporta pinaagi sa usa ka sulat pahayag.
Sa iyang pagbawi sa iyang suporta, gisaysay ni Senador Ejercito pagkahuman niya og susi sa mga dokumento ug testimonya sa nga saksi, ug dugang nga kasayuran, sama sa mga alegasyon sa pagpanglugos sa miaging pagdungog sa komite, “Nakahukom ako nga i-withdraw ang akong pirma.”
Midugang si Ejercito nga human sa iyang konsultasyon ug pagkalap sa pipila ka inpormasyn, iyang Nakita nga ang padayon nga imbistigasyon sa Senado makahatag og aportunidad ni Quiboloy nga madungog ang iyang bersyon sa mga alegasyon.
Atol sa press conference, gibutyag ni Padilla nga sa iyang nakahinabi silang Senador Grace Poe ug Raffy Tulfo, apan giklarno kaniya sa mga Senador dili sila mosuporta sa lakang ni Padilla nga babagan ang warden de aresto batok ni Quiboloy.
Ang ubang mga sakop sa komite nga wala pamipagawas sa ilang baruganan sa isyu gilangkuban nilang Senador Nancy Binay, Pia Cayetano, Mark Villar, Senate President Pro Tempore Loren Legarda, ug Majority Leader Joel Villanueva.
Atol sa pagpadayon sa imbestigasyon sa panel sa Senado sa giingong “human trafficking ug sexual abuses” nga naglambigit sa KOJC, si Senador Risa Hontiveros niadtong Martes mitumbok ni Quiboloy sa pagtamay sa gahum sa Senado human ang lider sa relihiyon balik-balik nga wala magtagad sa subpoena nga giisyu sa Senado samtang iyang gipangayo ang iyang katungod sa due process.
Pipila ka minuto human makahukom ang Senate panel sa pagdakop kang Quiboloy, si Padilla nipasaka sa iyang pagsupak sa maong hukom.
Gipasabot ni Padilla ang iyang desisyon nga supakon ang pagdakop kang Quiboloy, tungod kay ang isyu anaa na sa mga kamot sa Department of Justice.
Gipahayag usab ni Padilla ang iyang pagsupak sa mga imbestigasyon nga molambigit sa mga relihiyon, kay matud niini ang Batakang Balaud nagmandu sa pagbulag sa desisyon ug baruganan sa istado ug sa simbahan.
Gani gilantaw ni Padilla si Quiboloy isip usa ka bayani kay nakigbatok kin isa mga rebeldeng New People’s Army.
Samtang si Senador Cynthia Villa miingon nga dili siya motugot nga ipaaresto si Quiboloy kay iya kining higala,
