DAKBAYAN SA DAVAO, Pilipinas-— Tungod sa daling pagresponde sa otoridad, naluwas ang walo ka indibidual nga biktima sa human trafficking nga mobiahe na unta paingon sa Sempora, Malaysia niadtong Mayo 30, bandang alas 7:00 sa gabii.
Sa report sa Police Regional Office sa Bangsamoro Region gisaysay niini nga nakadawat sila og taho nga dunay wala mailhing grupo nga nagsakay sa barko nga POSO AK-4 gikan sa Jolo, Sulu paingon sa Bongao, Tawi-tawi, sa probinsya sa Bangsamoro Autonomous Region in Muslim Mindanao nga mopaingon sa Semporna, Malaysia, apan, naabtan sila sa orotidad didto sa Bongao Sea Port, sa Barangay Poblacion.
Sa dihang gipangitaan og legal nga mga dokumento, walay napakita ang walo ka pasahero hinungdan nga gidala sila sa estasyon sa kapulisan.
Ang malampusong pagkluwas ubos sa hiniusang paglihuk sa PNP personnel gikan sa 1st SOU MG (lead unit), 1st Tawi Tawi PMFC, Sea Marshall Unit-SWM, Coast Guard Central Station, Tawi-Tawi. uban sa PCTC-WMPO, NICA BARMM, sa koordinasyon sa LGU-LCAT VAWC sa Municipal Inter-Agency Committee Against Trafficking (MIACAT) Bongao.
Ang na-rescue nga mga indibidiwal gibutang ubos sa pag-atiman sa LGU LCAT VAWC sa MIACAT ug sa Ministry of Social Welfare and Development Office (MSWDO) alang sa dugang nga pagsusi ug suporta.
